சிதம்பரம், பரங்கிப்பேட்டை பகுதிகளில் ஏடிஎம் மையத்தில் பணம் எடுக்க வருபவர்களிடம் உதவி செய்வது போல் நடித்து 5 பேர் கணக்கிலிருந்து ரூ.87 ஆயிரம் மோசடி செய்த நபரை நகர குற்றப்பிரிவு போலீஸôர் செவ்வாய்க்கிழமை கைது செய்தனர்.சிதம்பரம் பகுதிகளில் கடந்த சில தினங்களாக ஏடிஎம் மையங்களில் பணம் எடுக்க வருபவர்களிடம் மர்மநபர் ஒருவர் உதவி செய்வது போல் நடித்து பணத்தை எடுத்து வந்தது குறித்து போலீஸôருக்கு புகார் வந்தது.
இதையடுத்து நகர குற்றப்பிரிவு சிறப்பு சப்-இன்ஸ்பெக்டர்கள் கண்ணுசாமி, புருஷோத்தமன் மற்றும் போலீஸôர் வடக்கு வீதியில் உள்ள ஏடிஎம் மையம் முன்பு செவ்வாய்க்கிழமை கண்காணிப்புப் பணியில் ஈடுபட்டிருந்தனர். அப்போது அங்கு இரு சக்கர வாகனத்தில் சந்தேகத்துக்கு இடமான நிலையில் நின்றிருந்த சிதம்பரம் வட்டம் கீழ்அனுவம்பட்டு கிராமத்தைச் சேர்ந்த கோபாலகிருஷ்ணனை (27) பிடித்து விசாரணை மேற்கொண்டனர்.
விசாரணையில், மேற்கண்ட இளைஞர் சிதம்பரம் வடக்குவீதி ராஜேந்திரன் (58), ராகவேந்திரா நகர் மணி (68), வடக்குதில்லைநாயகபுரம் ரவிச்சந்திரன் (50), புஞ்சைமகத்துவாழ்க்கை அன்பழகன் (48), பரங்கிப்பேட்டை ஜெயக்குமார் (21) ஆகிய 5 பேரின் கணக்கிலிருந்து ஏடிஎம் மையங்களில் ரூ.87 ஆயிரம் பணத்தை எடுத்து மோசடி செய்தது தெரியவந்தது.
இது குறித்து நகர குற்றப்பிரிவு போலீஸôர் வழக்குப் பதிந்து இளைஞர் கோபாலகிருஷ்ணனை கைது செய்தனர்.
0 கருத்துகள்:
கருத்துரையிடுக