சிதம்பரம் வடக்கு வீதியை சேர்ந்தவர் ராஜேந்திரன் (52). நேற்று இவர் குடும்ப செலவுக்கு பணம் எடுப்பதற்காக தெற்கு வீதியில் உள்ள கனரா பாங்க் ஏடிஎம் மையத்துக்கு சென்றார். ஏடிஎம் கார்டை போட்டு பணம் எடுக்கும் போது ஏடிஎம் அறைக்குள் நுழைந்த டிப்-டாப் ஆசாமி ஒருவர் ராஜேந்திரனிடம் நான் உங்களுக்கு பணம் எடுக்க உதவி செய்கிறேன் என கூறி அவரது கார்டை போட்டு ரூ.25 ஆயிரத்தை எடுத்துக்கொண்டு அங்கிருந்து ஓடிவிட்டார். அதிர்ச்சி அடைந்த ராஜேந்திரன் திருடன் திருடன் என கூச்சலிட்டார். அருகில் உள்ளவர்கள் வருவதற்குள் அந்த மர்ம ஆசாமி கண்ணிமைக்கும் நேரத்தில் தப்பியோடிவிட்டான். இதுகுறித்து ராஜேந்திரன் சிதம்பரம் நகர போலீசில் புகார் செய்தார். போலீசார் வழக்குப்பதிவு செய்து மர்ம ஆசாமியை தேடிவருகின்றனர்.
0 கருத்துகள்:
கருத்துரையிடுக