பரங்கிப்பேட்டை: 10 மற்றும் 12 வகுப்பில் அதிக மதிப்பெண் பெற்ற பரங்கிப்பேட்டையை சேர்ந்த அனைத்து சமுதாய மாணவ - மாணவிகளை ஊக்குவிக்கும் விதமாக பரங்கிப்பேட்டை இஸ்லாமிய ஐக்கிய ஜமாஅத் சார்பாக தொடர்ந்து 15ஆவது ஆண்டு மாணவர்வகளுக்கு பரிசளிக்கும் விழா நடைபெற்றது.இஸ்லாமிய ஐக்கிய ஜமாஅத் தலைவர் கேப்டன். ஹமீது அப்துல் காதர் தலைமையில் நடைபெற்ற விழாவில் சிதமபரம் சட்டமன்ற உறுப்பினர்
கே.பாலகிருஷ்ணன், புவனகிரி சட்டமன்ற உறுப்பினர் செல்வி.இராமஜெயம், சிதம்பரம் பாராளுமன்ற உறுப்பினர் சந்திரகாசி ஆகியோர் சிறப்பு விருந்தினர்களாக கலந்து கொண்டு மாணவர்களுக்கு தங்கம் மட்டும் வெள்ளி பதக்கங்களை வழங்கி பாராட்டினார்.
பரங்கிப்பேட்டை பள்ளிகளில் பயின்ற மாணவர்களுக்கு மட்டுமல்லாமல் வெளியூர் பள்ளிகளில் பயின்ற நமதூரை சேர்ந்த மாணவர்களுக்கும் பரிசுகள் வழங்கப்பட்டன. விழாவில் மாணவர்கள், ஆசிரியர்கள், தலைமை ஆசிரியர்கள், பெற்றோர்கள் மற்றும் பொதுமக்களும் திரளாக பங்கேற்றனர். இதில் 84 மாணவ - மாணவிகள் பதக்கங்கள் மற்றும் சான்றிதழ்களுடன் கூடிய பரிசுகளும் பெற்றனர். சிறப்பு விருந்தினர்களுக்கு நினைவுபரிசு வழங்கப்பட்டது.
மாணவர்களின் அறிவுக்கு அங்கீகாரம் மற்றும் ஊக்கம் அளிக்கும் விதமாக வருடா வருடம் நடைபெறும் இந்த நிகழ்ச்சி மக்களிடம் நல்ல வரவேர்ப்பை பெற்றிருந்தாலும் இத்தகைய விழாவில், கல்வி மற்றும் அறிவுசார் விஷயங்களில் முன்னிலையில் உள்ள கல்வியாளர்களை விருந்தினர்களாக அழைத்தால் இன்னும் சிறப்பாக இருக்கும் என்பதும் பலரது கருத்தாக உள்ளது
0 கருத்துகள்:
கருத்துரையிடுக