பரங்கிப்பேட்டை சஞ்சிவிராயர் கோவில் தெருவை சுற்றி அரசு பெண்கள் மேல்நிலைப்பள்ளி, அரசு மருத்துவமனை, வங்கிகள், பத்திரப்பதிவு அலுவலகம், ஓட்டல்கள் உள்ளதால் பல இடங்களில் இருந்து பொதுமக்கள் இங்கு வந்து செல்கின்றனர். இதனால் எப்போதும் இந்த பகுதி "பிசி'யாகவே இருக்கும். மேலும் அரசு மருத்துவமனைக்கு வந்து செல்லும் நோயாளிகளுக்காவும், கடற்கரையோர மீனவ கிராமங்களுக்கு செல்லும் பொதுமக்களுக்காக சிதம்பரம், கடலூர் மார்க்கத்தில் இருந்து வரும் அரசு மற்றும் தனியார் பஸ்கள் சஞ்சிவிராயர் கோவில் தெருவிற்கு வந்து செல்கிறது.
இப்படி மக்கள் புழக்கம் அதிகமாக உள்ள இந்த பகுதியில் அரசியல் கட்சிகளின் பொதுக்கூட்டங்கள், தெருமுனை பிரசாரங்கள் நடத்தப்படுகிறது.
தற்போது லோக்சபா தேர்தல் நெருங்கி வருவதால் அரசியல் கட்சி பொதுக்கூட்டங்கள் அதிகளவில் நடத்தப்பட்டு வருகிறது. பொதுக்கூட்டம் நடக்கும் நாட்களில் மாலை 5 மணி முதல் இரவு 10 மணி வரை பொதுமக்கள், போக்குவரத்து நெரிசலில் சிக்கி பாதிக்கப்பட்டு வருகின்றனர்.
மேலும் பொதுக்கூட்டம் இரவு 10 மணி வரை நடப்பதால் பேச்சாளர்கள் தொடர்ந்து பேசும்போது மைக் சத்தத்தால் அருகில் உள்ள அரசு மருத்துவமனையில் சிகிச்சை பெற்று வரும் உள் நோயளிகள் தூங்க முடியாமல் அவதிப்பட்டு வருகின்றனர்.
இதையறிந்த அப்போது பரங்கிப்பேட்டை போலீஸ் நிலையத்தில் அதிகாரிகள் சஞ்சிவிராயர் கோவில் தெருவில் போடப்பட்ட பொதுக்கூட்டங்கள் யாருக்கும் எந்த பாதிப்பும் இல்லாமல் வண்டிக்கார தெருவில் போட ஏற்பாடு செய்ததால் பொதுமக்கள், அரசு மருத்துவமனை நோயாளிகள் நிம்மதியாக இருந்து வந்தனர். தற்போது மீண்டும் சஞ்சிவிராயர் கோவில் தெருவில் அரசியல் கட்சிகளின் பொதுக்கூட்டங்கள் நடத்தப்படுவதால் பொதுமக்கள், அரசு மருத்துவமனை நோயாளிகள் பாதிக்கப்பட்டு வருகின்றனர். எனவே அரசியில் கட்சிகளின் பொதுக்கூட்டங்கள் கடந்த காலங்களில் நடந்ததுபோல் வண்டிக்கார தெருவில் நடத்த போலீசார் நடவடிக்கை எடுக்க வேண்டும்.
பரங்கிப்பேட்டை : பரங்கிப்பேட்டையில் மக்கள் அதிகம் வந்து செல்லும் போக்குவரத்து மிகுந்த சஞ்சிவிராயர் கோவில் தெருவில் பொதுக்கூட்டங்கள் மற்றும் தெருமுனை பிரசாரங்கள் நடத்தப்படுவதால், அருகில் உள்ள அரசு மருத்துவமனையில் சிகிச்சை பெற்று வரும் உள் நேயாளிகள் அவதிப்பட்டு வருவருவதால், அரசியல் கட்சிகளின் கூட்டங்களை வேறு இடத்திற்கு மாற்ற வேண்டும் என போலீசாருக்கு பொதுமக்கள் கோரிக்கை விடுத்துள்ளனர்.
இது ஏற்புடையதுதான். மேலும் போக்குவரத்துக்கு இடைஞ்சல் இல்லாதும் இருக்கும். இதற்க்கு போலீஸ் நடவடிக்கை எடுக்க வேண்டும் என்பது தேவை இல்லை. நமது அரசியல் கட்ச்சிக்களே நம் மீது அக்கரை கொண்டு இடம் மாற்றிக் கொள்வார்கள் என்பது என் எண்ணம். - மரு. லெ. பூபதி. பரங்கிப்பேட்டை.
பதிலளிநீக்கு