திருநெல்வேலி: "பா.ஜ.க, காங்கிரஸ் இரு கட்சிகளுமே ஆட்சிக்கு வரக்கூடாது" என்று அணு உலைக்கு எதிரான மக்கள் இயக்க ஒருங்கிணைப்பாளர் உதயகுமார் தெரிவித்துள்ளார்.
ஆம் ஆத்மி கட்சியில் இணைந்ததின் பின் செய்தியாளர்களை சந்தித்த உதயகுமார் தெரிவித்ததாவது:
"மத்தியில் காங்கிரஸ் கட்சி ஆட்சியில் தொடர்ந்தால் கூடங்குளம் திட்டத்தை தொடர்வார்கள், விரிவாக்கம் செய்வார்கள். பாஜக ஆட்சிக்கு வந்தால் அந்த திட்டத்தை தொடர்வது மட்டுமல்லாமல், போராடும் மக்களையே முறியடித்து விடுவார்கள். எனவே இந்த இரண்டு கட்சிகளும் ஆட்சிக்கு வரக்கூடாது.
இதனை மனதில் கொண்டு ஒட்டு மொத்த இந்தியாவையும் திரும்பிப் பார்க்க வைத்த ஆம் ஆத்மி கட்சியில் சேருவதன் மூலம் மத்தியில் இந்த இரண்டு ஊழல் மிக்க, மதவாதம் மிக்க கட்சிகளை முறியடிக்கலாம் என்று முடிவு எடுத்தோம். அந்த வகையில் எங்களது போராட்டதை முன்னிலைப்படுத்தி, மையப்படுத்தி இந்த முடிவை எடுத்திருக்கிறோம்.
கன்னியாகுமரி, நெல்லை, தூத்துக்குடி, இந்த மூன்று தொகுதிகளில் நாங்கள் போட்டியிட வாய்ப்பு இருக்கிறது. இது குறித்த அறிவிப்பு அடுத்த வாரம் வரும்" என்று உதயகுமார் தெரிவித்துள்ளார்.
0 கருத்துகள்:
கருத்துரையிடுக