சென்னை: ராஜீவ் காந்தி கொலை வழக்கில் சிறையில் உள்ள நளினி உட்பட 7 பேரை விடுதலை செய்யக் கோரியும்,
மேலும் பல ஆண்டுகளாக சிறையில் வாடும் அப்பாவி முஸ்லிம்களை விடுதலை செய்யக் கோரியும் இந்திய தேசிய லீக் சார்பில் தொடர் உண்ணாவிரதப் போராட்டம் நடைபெற்று வருகிறது.
சென்னையில் கடந்த இரு தினங்களுக்கு முன் தொடர்ந்த இந்த தொடர் உண்ணா விரதத்தில் இந்திய தேசிய லீக் தலைவர் தடா அப்துல் ரஹீம் உள்ளிட்ட கட்சிப் பிரமுகர்கள் 15 பேர் மற்றும் சிறையில் உள்ளவர்களின் உறவினர்கள் உட்பட பலர்தொடர்ந்து உண்ணாவிரதம் மேற்கொண்டு வருகின்றனர்.
முன்னதாக சென்னை ஜிம்கான கிளப் அருகில் இவர்கள் உண்ணாவிரத போராட்டத்தை மேற்க்கொண்டனர். இதையடுத்து போராட்டத்தில் கலந்துகொண்டவர்களை காவல்துறையினர் கைது செய்து அருகில் உள்ள சமுதாய கூடத்தில் அடைத்து வைத்தனர். அங்கும் அவர்கள் தொடர்ந்து போராட்டத்தை மேற்க்கொண்டு வருகின்றனர்.
தங்களது கோரிக்கையை அரசு செவி சாய்க்கும் வரை போராட்டம் தொடரும் என அவர்கள் அறிவித்துள்ளனர்.
0 கருத்துகள்:
கருத்துரையிடுக