வடகிழக்கு பருவமழை அக்டோபர் மாதம் துவங்கிய போதிலும், மாவட்டத்தில் போதிய அளவு மழை பெய்யவில்லை. கடந்த இரண்டு மாதங்களில் 68 சதவீதம் மட்டுமே மழை பெய்துள்ளது. இதனால், விவசாயிகள் கவலையில் ஆழ்ந்திருந்தனர்.
இந்நிலையில், வங்கக் கடலில் ஏற்பட்ட குறைந்த காற்றழுத்த தாழ்வு நிலை காரணமாக மாவட்டத்தில் கடந்த 30ம் தேதி முதல் பரவலாக மழை பெய்து வருகிறது. நேற்று முன்தினம் வரை மாவட்டத்தில் சராசரியாக 6.19 மி.மீ., மழை பெய்தது. இரண்டாம் நாளான நேற்று 9.78 மி.மீ., மழை பதிவாகியுள்ளது.
நேற்று முன்தினம் காலை 8:00 மணி முதல் நேற்று காலை 8:00 மணி வரை மாவட்டத்தில் பல்வேறு பகுதிகளில் பெய்த மழை அளவு மி.மீ.,
விவரம்:
மே.மாத்தூர் 34, வேப்பூர் 22, லால்பேட்டை 21, சேத்தியாத்தோப்பு 20, காட்டுமயிலூர் 17, கீழ்செருவாய் 14.5, கொத்தவாச்சேரி 13, காட்டுமன்னார்கோவில் 13, விருத்தாசலம் 9, ஸ்ரீமுஷ்ணம் 8, புவனகிரி 7, குப்பநத்தம் 5.20 , தொழுதூர் 5, வானமாதேவி 4.8, பெலாந்துறை 3, பரங்கிப்பேட்டை 3, சிதம்பரம் 2, லக்கூர் 1.4, அண்ணாமலை நகர் 1.3, கடலூர் 1.2 மி.மீ., மழை பதிவாகியுள்ளது.
மூன்றாம் நாளாக நேற்றும் மாவட்டத்தில் பரவலாக மழை பெய்தது
0 கருத்துகள்:
கருத்துரையிடுக