பரங்கிப்பேட்டை அடுத்த தச்சக்காடு கிராமத்தில் இருந்து கீழமணக்குடி வழியாக புவனகிரி சாலையை இணைக்கும் வகையில் நெடுஞ்சாலைத்துறை சாலை செல்கிறது. தச்சக்காடு, அருண்மொழித்தேவன், சேந்திரக்கிள்ளை, வல்லம் உட்பட பத்துக்கும் மேற்பட்ட கிராமங்களைச் சேர்ந்த மக்கள், விவசாயிகள் மற்றும் பள்ளி மாணவர்கள் உள்ளிட்டவர்கள் புவனகிரிக்கு குறுக்கு வழியாக செல்ல இந்த சாலையைப் பயன்படுத்தி வருகின்றனர்.
தச்சக்காடு, அருண்மொழித்தேவன், கீழமணக்குடி கிராமங்களைச் சேர்ந்த விவசாயிகளின் நிலங்கள் இந்தச் சாலையையொட்டி இருப்பதால் அவர்கள் நிலங்களுக்குத் தேவையான பொருட்களை டிராக்டர், டயர் வண்டிகளில் எடுத்து செல்லவும் பயன்படுத்தி வந்தனர். தற்போது இந்தச் சாலை கடந்த 5 ஆண்டுகளாக பல இடங்களில் மிகப்பெரிய அளவில் பள்ளம் ஏற்பட்டு குண்டும், குழியுமாக போக்குவரத்திற்கு லாயகற்ற நிலையில் உள்ளது.
இதனால் மக்கள், விவசாயிகள் உள்ளிட்ட அனைவரும் பாதிக்கப்பட்டு வருகின்றனர். மேலும் புவனகிரியில் இருந்து கொத்தட்டைக்கு இச்சாலை வழியாக சென்ற மினி பஸ்சும் சாலையின் படுமோசமான நிலையைக் கண்டு போக்குவரத்தும் நிறுத்தப்பட்டது.
மழை காலங்களில் இந்த சாலையில் குண்டும், குழியுமாக இருக்கும் இடங்களில் தண்ணீர்தேங்கி குட்டைகள்போல் காட்சியளிப்பதால் கார் உள்ளிட்ட வாகனங்கள் செல்லும்போது குண்டும், குழியுமாக உள்ள இடங்களில் சிக்கிக்கொள்கிறது. இதனால் இந்த சாலை வழியை தவிர்த்து ஆதிவராநல்லூர் சாலை வழியாக புவனகிரிக்கு சென்று வருகின்றனர்.
சாலையின் நிலை குறித்து 10 கிராமங்களைச் சேர்ந்த மக்கள் கடந்த ஐந்து ஆண்டுகளாக புதிய சாலை அமைத்துத்தர கோரிக்கை வைத்தும் அதிகாரிகள் கண்டுகொள்ளவில்லை.
எனவே தச்சக்காடு- கீழமணக்குடி சாலையை சீரமைக்க வேண்டும் என நெடுஞ்சாலைத்துறை
அதிகாரிகளுக்குப் பொதுமக்கள், விவசாயிகள் கோரிக்கை விடுத்துள் ளனர்.
0 கருத்துகள்:
கருத்துரையிடுக