பரங்கிப்பேட்டை : பரங்கிப்பேட்டையில் நியாய விலைக்கடை முன்பு இருந்த பேரலை உடைத்து 100 லிட்டர் மண்ணெண்ணையை மர்ம ஆசாமிகள் திருடி சென்றனர
பரங்கிப்பேட்டை தொடக்க வேளாண்மை கூட்டுறவு சங்க கட்டுப்பாட்டின் கீழ் தெத்துக்கடை மெயின் ரோட்டில் நியாய விலைக்கடை செயல்பட்டு வருகிறது.
இந்த கடையில் பொதுமக்களுக்கு வினியோகம் செய்வதற்காக கடந்த சில தினங்களுக்கு முன்பு 2 பேரல்களில் 200 லிட்டர் மண்ணெண்ணை வந்தது. இந்த மண்ணெண்ணை பேரல்கள் நியாயவிலைக்கடை முன்பு வைக்கப்பட்டிருந்தன.
இதை நோட்டமிட்ட மர்ம ஆசாமிகள் நேற்று முன்தினம் நள்ளிரவு ஒரு பேரலை உடைத்து அதிலிருந்து 100 லிட்டர் மண்ணெண்ணையை மற்றொரு கேனில் பிடித்து திருடிச்சென்று விட்டனர்.
இது குறித்து நியாயவிலைக்கடை விற்பனையாளர் ஆனந்தன் பரங்கிப்பேட்டை போலீசில் புகார் செய்தார். அதன்பேரில், பரங்கிப்பேட்டை போலீசார் சம்பவ இடத்திற்கு விரைந்து வந்து விசாரணை நடத்தினார்கள்.
இது குறித்து வழக்குப் பதிவு செய்து மண்ணெண்ணை திருடிய மர்ம ஆசாமிகளை போலீசார் வலைவீசி தேடி வருகின்றனர்
0 கருத்துகள்:
கருத்துரையிடுக