சென்னை: சீட் பெல்ட் (இருக்கைபட்டை ) அணிவது நான்கு சக்கர மற்றும் கனரக வாகன ஓட்டிகளுக்கு கட்டாயமாக்கபட்டுள்ளதாக
தமிழக போக்குவரத்து காவல்துறை அறிவித்துள்ளது. வரும் டிசம்பர் 2 முதல் இச்சட்டம் தீவிரமாக அமுலுக்கு வருகிறது. பெருகி வரும் வாகன விபத்துகளில் உயிர் இழப்புகளை குறைக்கும் நோக்கத்துடன் இச்சட்டம் கட்டாயமாக்கப்படுவதாக சென்னை போக்குவரத்து காவல்துறையினர் தெரிவித்தனர். முன் இருக்கையில் உள்ள இருவரும் கட்டாயம் சீட் பெல்ட் அணியவேண்டும் எனவும் மேலும் இதை கடைபிடிக்காதவர்களுக்கு முதல்தடவை அபராதமாக 100 ரூபாயும் மீண்டும் மீறுபவர்களுக்கு தடவைக்கு 300 ரூபாயும் வசூலிக்கப்படும் எனவும் தெரிவித்தனர். 50 பேர் கொண்ட பறக்கும் படை அமைக்கப்பட்டு தீவிர சாலை கண்காணிப்பில் ஈடுபடபோவதாகவும் தெரிவிக்கப்பட்டுள்ளது.
ஏற்கனவே இருசக்கர வாகன ஓட்டிகளுக்கு ஹெல்மெட் (தலைக்கவசம்) அணிவது பெரு நகரங்களில் கட்டாயமாக்கப்பட்டுள்ளதால் விபத்தில் உயரிழப்பு குறைத்துள்ளதாகவும் தெரிவிக்கப்பட்டுள்ளது
0 கருத்துகள்:
கருத்துரையிடுக