திருமணம் ஒரு ஆய்வு ....

அஸ்ஸலாமு அழைக்கும் !!
தனிமை என்னும் தண்டனையின் தாகம் , நமக்கான ஒரு மனம் நம்மை முன் பின் அறியாத மறு மனதுடன் இணையும் தருணம்
சிறு மனங்கள் இரண்டு சில்லென்று இணைந்து நறுமணம் வீச கூடிய திருமனம் பற்றி காண்போம் ..
வாழ்க்கையின் சந்தோசங்கள் நம்மை வரவேற்க திருமணம் என்னும் வாசல்கள் திறக்கத்தான் செய்யும் .. ". "இரு மனங்கள் இணையும் திருமணங்கள் சுவனத்தில் நிச்சயிக்கப்படுகின்றன." இன்னாருக்கு இன்னார் என்று அல்லாஹ் நாம் பிறக்கும்போதே தீர்மானித்துவிட்டான்..அப்படிப்பட்ட திருமணத்தை காணும் முன் இதன் ஆரம்ப அடிப்படையில் வழி தவறி செல்லும் தவறான காதலையும் ஒரு
கண்ணோட்டம் பார்த்து விட்டு செல்வோம் ..தாய் , தந்தை , சகோதரன் , சகோதரி அனைவர் மீதும் நாம் வைக்கும் அன்பு கூட ஒரு வகையில் காதல் தான்
ஆனால் இங்கே நாம் இந்த உன்னதமான காதலைப் பற்றி சொல்ல வரவில்லை . காதல் என்ற பெயரில் அனாச்சாரம் என்ன அது இன்றைய காதல் தத்துவம் என்னவெனில், ‘ ‘காதலுக்குக் கண் இல்லையாம்!", "கண்டதும் காதல் பத்திக்கும்", "பார்க்காமலே காதல் (By cellphone), ஒரு பெண்ணைப்பார்த்தவுடன் ஏதோ chemistry workout ஆகுமாம். அதுதான் காதலாம்! அதற்குப் பெயர் காதல் இல்லை, காமம்! காதலுக்கும், காமத்திற்கும் வித்தியாசம் தெரியாத உலகில் நாம் வாழ்ந்து கொண்டிருக்கின்றோம்.காதலர்களின் இன்றைய தலைகீழ் மாற்றம்! காதலன், காதலிக்கு இடையே இஸ்லாம் குறுக்கிட்டால் இஸ்லாத்தைத் தூர எறிந்து விடு. தாய், தகப்பன் குறுக்கிட்டால் ஒரே வெட்டு. உறவினனோ இல்லை ஊர்காரரோ தலையிட்டால் தீயை கொளுத்து இல்லையெனில் விஷம் வைத்துக்கொல்! யார் செத்தாலும் சரி, இவர்கள் இருவரும் சேர வேண்டும். இதுதானே இங்கே நடக்கிறது. இதைத்தானே சினிமாக்களும், கதைப்புத்தகங்களும், நாவல்களும், சொல்கின்றன. இன்னும் ஒரு சிலர் ஊரைவிட்டு ஓடிப்போதல். தாய், தகப்பனின் கண்ணீரில், சமுதாயத்தின் அவப்பெயரில், குடும்பத்தாரின் தலைகுனிவில் இவர்களின் திருமணம். எப்படியோ இருவரும் சேர்ந்துவிட்டார்கள். சுவனத்தில் நிச்சயிக்கப்பட்ட திருமணம் இப்படித்தான் நடக்குமா? இல்லை உண்மையான மன வாழ்க்கை நீங்கள் ஒழுக்கமான பெண்ணாக / ஆணாக இருந்தால் நிச்சயம் உங்களைத்தேடி ஒழுக்கமான ஆண் / பெண் வந்துசேருவான், காதல் என்ற பெயருடன் அல்ல! திருமணம் என்ற பந்தத்துடன்!

இனி செல்வோம் !!

திருமணம் எல்லா பெண்களுக்கும்/ ஆண்களுக்கும் கண்டிப்பாக நடந்தேற வேண்டும் ...வயதுக்கு வந்த சில வருடங்களில் அந்த கனவு தானாகவே இரு பாலருக்கும் வந்துவிடுகிறது . அந்த கனவுகள் பெண்களை திருமணம் செய்து கொள்ள பக்குவப்படுத்தும், ஆண்களை வழி முறைபடுத்தும் ..

ஒரு ஆண்/ பெண் வாழும் சூழ்நிலைக்கேற்ப அவர்கள் கனவுகளும் , கற்பனைகளும் வித்தியாசப்படுகின்றன.. ஏழ்மையான சூழ்நிலையில் வாழும் ஒரு பெண் பணக்கார கணவர் வேண்டும் என எண்ணலாம் அதுபோல் கொடுமை யான சூழ்நிலையில் வாழும் பெண் தனக்கு அன்பான, ஆதரவான கணவர் கிடைக்க எண்ணங்களை வளர்த்து கொள்ளாம் . இப்படி பெண்கள் எண்ணங்கள் பலவிதம். அது போல் ஆண்களின் சிந்தனைகளும் தனக்கு ஒரு அழகான, வசதியான பெண்ணாகவோ, இல்லை ஏழ்மை நிலை கொண்ட பெண்ணாக மார்க்கம் அறிந்த பெண்மையே கூட ஆசைப்படலாம். இவர்களின் இந்த
எண்ணங்கள் ஒருபோதும் எல்லை மீறியதாக இருந்துவிடக்கூடாது. ஏன் என்றால் எல்லோருடைய வாழ்க்கையிலும், எல்லா ஆசைகளும் நிறை வேறும் என்று சொல்வதற்கில்லை...

எவ்வளவு ஆசைகள் , கற்பனைகள் இருந்தாலும் திருமணம் ஆன பின்பு, உடனடியாக நிஜ உலகத்திற்கு வந்து விடவேண்டும். நிஜம் கண் முன் வரும் போது அதை ஏற்றுக்கொள்ளும் மனப்பக்குவம் பெண்களுக்கும் / ஆண்களுக்கும் கட்டாயம் வேண்டும். நிஜங்களை கனவுக ளோடு ஒப்பிட்டு பார்த்து மனம் பேத லித்து நிற்பது வாழ்க்கைக்கு உதவாது. நிஜங்களை ஏற்றுக்கொண்டு வாழும்போதுதான் இருவரும் வெற்றிகரமானவர்களாக மாறுகிறார்கள்.

மன வாழ்க்கையின் நிஜங்களில் உள்ள துன்பங்களை உணர்ந்து கொள்ளும்போது வாழ்க்கை கசக்கிறது. அந்த கசப்பில் இருந்து விடுபட்டு வாழ்க்கையை இனிமையாக்கி கொள்வதில் தான் வாழ்க்கையின் சுவாரசியம் அடங்கி இருக்கிறது. கவலையே நினைத்து சந்தோசங்களை அழித்து கொள்ள நினைப்பவர்களுக்கு வாழ்க்கையே கனவாகி விடுகிறது.

இன்றைய ஆண் , பெண் இருவருக்கும் வாழ்க்கையை தீர்மானித்துக் கொள்ளும் உரிமை தரப்பட்டிருக்கிறது. அதை அவர்கள் முழுமையாக பயன்படுத்திக்கொள்ள வேண்டும் ..இந்த விடயங்களில் அவர்கள் , பக்குவப்பட்டவர்களிடமும், பெற்றோர்களிடமும் ,அறிவுரைகளை பகிர்ந்து கொள்ளவேண்டும் ..

இந்த உலகம் மிகப் பெரியது. அதனால் சில பெண்கள்/ ஆண்கள் தங்களது கனவு கதாநாயக/நாயகியே தேடித்தேடி களைத்துப்போகிறார்கள். அப்படியே காலத்தையும் கடத்தி வாழ்க்கையையும் தொலைத்து விடுகிறார்கள். அப்படிப்பட்டவர்கள் கனவுகளுக்கு கொடுக்கும் முக்கியத் துவத்தை குறைக்கவேண்டும். நிஜவாழ்க்கைக்குள் தங்களை முன்நிறுத்தி கொள்ள வேண்டும் ..ஒரு சிலரது குடும்பங்களின் வறுமைகள் கூட நமது பெண்களையும் முத்தினகொமர் என்ற இடத்தில் நிறுத்துகின்றன , அவர்களுக்கான திருமணம் சிறிது தென்பட தொடங்கினாலும் அந்த பெண்களும் காலத்தின் கட்டாயத்தை உணர்ந்து விருப்பம் இன்றியோ! இல்லையோ அவசர கதியில் திருமணத்தை முடித்துக்கொள்கிறார்கள்.

சிறிது காலத்தில் உண்மையை உணரும்போது பெருத்த ஏமாற்றம் அடைகிறார்கள். அந்த ஏமாற்றம் அவர்களை மன உளைச்சலுக்கு உள்ளாக்கி, விவாகரத்து வரை கொண்டு சென்றுவிடுகிறது.

. நிறை வேறாத ஆசைகள் நெஞ்சின் அடித்தளத்தில் பாரமாக அழுத்தும் போது நிஜங்களின் உயர்வை மனம் ஏற்க மறுக்கிறது. விளைவு கருத்து வேற்றுமை ஆகிறது. இருமனம் ஒரு மனமானால் கருத்துகள் ஒன்றுபடும்.

. உள்ளங்கை அளவு உண்மையை உலகளாவிய வெற்றியாக மாற்றி காட்டும் உன்னதம் இருவர் கனவிலும் இருந்தால் அவர்கள் வாழ்க்கை பிரகாசமாகிவிடும்.
சுயநலமான கனவுகள் பெரும் சுமையாகவும், பகையாகவும் உருவெடுத்து விடும்.

நபி (ஸல்) அவர்கள் கூறினார்கள்: நான்கு நோக்கங்களுக்காக ஒரு பெண் மணமுடிக்கப்படுகிறாள்:

1. அவளது செல்வத்திற்காக.

2. அவளது குடும்பப் பாரம்பரியத்திற்காக.

3. அவளது அழகிற்காக.

4.அவளது மார்க்க (நல்லொழுக்க)த் திற்காக. ஆகவே, மார்க்க (நல்லொழுக்க)ம் உடையவளை (மணந்து) வெற்றி அடைந்து கொள்! (இல்லையேல்) உன்னிரு கரங்களும் மண்ணாகட்டும்! இதை அபூஹுரைரா (ரலி) அவர்கள் அறிவிக்கிறார்கள். (புகாரி 5090)

ஒரு பெண்ணானவள் நல்ல பெண்மணியாக, ஆணின் வெற்றிக்கு காரணமாக அமையக்கூடியவளாக இருக்க வேண்டுமெனின் அவள் மார்க்கமுள்ளவளாக,நல்லொழுக்கமுடையவளாக இருக்க வேண்டும்.

இலக்கிய நயமான இந்த உதாரணத்தில் பெண்ணின் இயற்கைத் தன்மைகளையும் பண்புகளையும் மிகத் துல்லியமாக நபி ஸல்லல்லாஹு அலைஹி வஸல்லம் அவர்கள் விவரித்துள்ளார்கள். மனைவி என்பவள் கணவர் விரும்புவது போன்று ஒரே நிலையில் சீராக இருக்கமாட்டாள். அவளிடம் சில கோணலான பண்புகளும் இயல்பாகவே அமைந்திருக்கும். இதைக் கணவர் விளங்கிக் கொள்ள வேண்டும். பூரணமானது அல்லது சரியானது என, தாம் நினைக்கும் முறையில் அவளைத் திருத்திவிட முயலக் கூடாது. பெண்மைக்கென்று அமைந்துள்ள இயற்கைப் பண்புகளைக் கவனத்தில் கொள்ள வேண்டும். அவளை, அல்லாஹ் எந்த இயல்புடன் படைத்தானோ அப்படியே ஏற்றுக் கொள்ள வேண்டும்..அதுபோல் பெண்களுக்கும் இது பொருந்துகிறது ஒரு ஆண் மகனின் அந்தஸ்துக்கு அடிபணியாமல் அவனது ஆண்மை மோகமின்றி அடக்கத்தை கையாலும் போதே அவர்களுக்குள் கண்ணியம் வந்துவிடுகிறது ..

இஸ்லாமில் திருமண ஒப்பந்தம் என்பது அற்பமான உணர்வுகளின் வெளிப்பாடோ அல்லது இயற்கை ஆசையைத் தணித்து விட்டுப் போவதற்கான வழியோ அல்ல. மாறாக, இதற்கெல்லாம் மேலாகத் தூய்மையானதும் மிகக் கண்ணியமானதுமாகும். உண்மை முஸ்லிமிடம் மனித நேயமும், அறிவும், நற்குணமும், சகிப்புத் தன்மையும், விசாலமான இதயமும் அமைந்திருக்கும். அந்தப் பண்புகள் தமது மனைவியிடம் காணப்படும் வெறுக்கத்தகுந்த குணங்களைச் சகித்துக் கொள்ளும் பக்குவத்தை அவருக்கு அளிக்கும். மனைவியின் மீது வெறுப்புள்ளவராக இருந்தாலும் நல்லுறவையே கடைப்பிடிப்பார். தமது இறைவனின் கூற்றுக்கிணங்க தம்மை அமைத்துக் கொள்வார். ஏனென்றால், மனிதன் சில விஷயங்களை வெறுத்து அதிலிருந்து விலகியிருக்க விரும்புகிறான். ஆனால், உண்மையில் அவை நன்மைகளால் சூழப்பட்டதாகவும், நல்லதை உள்ளடக் கியதாகவும் அமைந்திருக்கும்.

.

நபி ஸல்லல்லாஹு அலைஹி வஸல்லம் அவர்கள் கூறினார்கள்: "எந்த ஒரு முஃமினும் (நம்பிக்கையாளரும்) முஃமினான பெண்ணை வெறுக்க வேண்டாம். அவளிடம் ஒரு குணத்தை அவர் வெறுத்தால் மற்றொரு குணத்தைப் பொருந்திக் கொள்வார்.'' (நூல்: ஸஹீஹ் முஸ்லிம்)

''இறை நம்பிக்கை கொண்ட ஓர் ஆண் இறை நம்பிக்கையுள்ள ஒரு பெண்ணை (முழுமையாக) வெறுத்து ஒதுக்க வேண்டாம். அவளிடமிருந்து அவர் ஒரு குணத்தை வெறுத்தாலும் மற்றொரு குணத்தைக் கண்டு திருப்தி கொள்ளட்டும்'' என நபி அவர்கள் கூறினார்கள். (அறிவிப்பவர்: அபூஹுரைரா ரளியல்லாஹு அன்ஹு, நூல்: முஸ்லிம் 2915)

இறுதியாக என் சகோதரிக்கும் , சகோதரர் களுக்கும்

என் சகோதரிக்காக !!

1. கார் வைத்து இருக்க வேண்டும்,
2. சொந்த வீடு இருக்க வேண்டும், கை நிறைய சம்பாதிக்க வேண்டும்(software / foreign மாப்பிளை யாக இருக்கனும் உள்ளூர் பயல்க எல்லாம் ஆண்கள் இல்லையோ?),
3. ஆன்சைட் செல்லும் வாய்புகள் இருக்க வேண்டும்,
4. முக்கியமா திருமணதிற்கு பின் தனி குடுத்தனம் போக தயாராக இருக்க வேண்டும்,
5. அக்கா தங்கை இருக்க கூடாது,
6. அமெரிக்கன் அக்சென்ட் ஆங்கிலம் பேச வேண்டும்
7. உங்க தாய் தந்தையர் மீது மரியாதையும் பணிவும் இருக்க வேண்டும்
(ஆனால் அதை உங்களிடம் எதிர்பார்க்க கூடாது!)
8. பிஸியாக இருக்கனும் ஆனாலும் உங்களுக்காக நேரம் ஒதுக்கணும்,
9. பிட்டாக இருக்க வேண்டும்,
10.அலுவலகத்திற்கு அருகிலே வீடு இருக்க வேண்டும் (மாமியார் வீடு மட்டும் மிக தூரத்தில் இருக்க வேண்டும்),
,
இதை அனைத்தையும் எதிர்பார்க்கும் நீங்கள், இதுவும் ஒரு வித பெண்கள் எதிர்பார்க்கும் வரதட்சனை என்று உணர வேண்டும் ..

மொத்தத்தில் ATM போன்ற மெசினுடன் வசதியான வாழ்க்கைக்கு நீங்கள் தரும் லட்சம் தான் இந்த வரதட்சணை.

இனியும் வரதட்சணைக்கு ஆண்கள் மட்டும் தான் காரணம் என்று புலம்புவதை நிறுத்துங்கள். தன்னால் விடியும்.


இனி என் சகோதரனுக்காக !!!

பணத்திற்காக சீதனச் சந்தையில் பேரம் பேசி வாழ்க்கையை விற்கும் வர்க்கதினராய் இல்லமால்
அவமானம்...அவமானம்....கேவலம்..... கேவலம்...என்ற உள்மன குத்தலின் குதர்க்கமாய் ஒவ்வொரு நாளும்
விடியலை எண்ணி வேதனை படமால் வெளிச்சமான ஒரு வாழ்க்கை யே வாழ வழி வகுக்க வேண்டும் .
டாக்டர் மாப்பிள்ளைக்கு கக்கிலி வேண்டாம் என்று சொல்கிறார் ஆனால் செல்வதற்கு கார் பங்களா மட்டும் போதுமாம்...
எஞ்சினியர் மாப்பிள்ளைக்கு எதுவும் வேண்டாமாம் ஆனால் இருக்க வீடு, மனை மட்டும் போதுமாம்....
இப்படி எதுவும் வேண்டாம் என சொல்லி விவகாரமாய் சீதனப் பிச்சை எடுப்பதை அறிவில் உயர்ந்த ஒரு சில ஆண் மகன் நிறுத்த வேண்டும் .
படித்துப் பட்டம் பெற்ற பாமர வர்க்கமாய் இருக்கும் ஆண்களின் தாய் தான் ஊட்டிய பாலுக்கு பத்து லட்சம் விலை நிர்ணயிப்பதும்
நீங்கள் விலைக்கு வாங்கி விளையாட பெண்கள் பொம்மைகள் அல்ல,மானமுள்ள உணர்வுகொண்ட மாதர்கள்
பணம் செலுத்தி பல் இளித்து பஞ்சனை சுகம் அவர்கள் தேடவில்லை என்பதை உணர வேண்டும்..


திருமண வாழ்க்கை என்பது கணவன், மனைவி இருவருக்கு மிடையிலான புரிந்துணர்வின் அடிப்படையிலேயே தங்கியிருக்கிறது. இப்புரிந்துணர்வு அற்றுப் போகும்போது உறவிலே பாதிப்புகள் ஏற்படும். ஒரு மனைவி கொண்டிருக்க வேண்டிய பண்புகளை அவள் கொண்டிராதபோது கணவன் வெறுப்படைகின்றான். அதேபோன்று ஒரு கணவன் கொண்டிருக்க வேண்டிய பண்புகளை அவன் கொண்டிராதபோது மனைவி வெறுப்படைகிறாள். இந்நிலைமைகைளினால் குடும்ப வாழ்வு சீர்குலைந்துவிடுகிறது.

ஒரு தம்பதியரிடம் இருக்கக் கூடாத சில பண்புகளை நோக்குவோம். இப்பண்புகளை எந்தவொரு கணவனும்/ மனைவியும் விரும்பமாட்டார்கள்
01. அதிகாரம் செலுத்துதல் 02. பொய் சொல்லுதல் : 03. பிடிவாத குணம் கொண்டு இருத்தல் 04. தனித்து போகுதல்
05. உறவாடத்தெரியாமல் போகுதல் : 06. எதிர்மறை சிந்தனைகளை கொண்டு இருப்பது என பல வேறுபாடுகளை வகுத்து கொண்டால் வாழ்க்கையின் நாட்களை கவலைகளுடன் தான் கழிக்க வேண்டும்..எனவே இவைகளை தவிர்த்து குடும்ப வாழ்வின் மகிழ்ச்சிக்கு கணவன் மனைவி இருவரும் ஒருமித்து செயற்பட வேண்டும். அவ்வாறில்லாதபோது முரண்பாடுகள் ஏற்படுவதும் அது விவாகரத்துவரை சென்று விடுவதும் தவிர்க்க முடியாததாகும். எனவே, கணவன் மனைவி இருவரும் தமது செயற்பாடுகளை, நடத்தைகளை மீள்பரி செய்துகொள்ள வேண்டும்..

அழகான திருணம வாழ்வை அடைந்தவர்களும் , திருமணத்தை நோக்கி காத்திருக்கும் என் அன்பு உடன் பிறவா சகோதர / சகோதரிகள் அனைவர் வாழ்விலும் ஏக இறைவன் ஏற்றம் மிகுந்த சந்தோசங்களை தந்து அருளிட என்னுடைய துவாக்களை கேட்டு கொள்கிறேன் ---வஸ்ஸலாம்

முக நூல் திண்ணை குழுமத்தில் நடந்த ட்டுரை  போட்டி யில் பங்குபெற்ற கட்டுரை
இந்த கட்டுரையே நமக்கு அளித்தது
கட்டுரையாளர் :சகோதரி  : நிசானா (எ) தஸ்லீமா
நன்றி :திண்ணை குழுமம்