பரங்கிப்பேட்டை-கிள்ளை நெடுஞ்சாலையில் அரசு மற்றும் தனியார் பஸ்கள், கனரக வாகனங்கள், பைக்குகள் என 100க்கும் மேற்பட்ட வாகனங்கள் சென்று வருகிறது.
பரங்கிப்பேட்டை வெள்ளாற்று பாலத்தில் இருந்து கிள்ளை வரை சாலையோரத்தில் இரு பக்கமும் முள் செடிகள் முளைத்து நன்கு வளர்த்து தற்போது சாலையை ஆக்கிரமித்துள்ளது. பஸ்கள் எதிர் எதிரே ஒதுங்கும்போது பஸ்சில் பயணம் செய்யும் பயணிகளை முள்செடிகள் குத்திவிடுவதால் பயணிகள் பாதிக்கப்படுகின்றனர்.
கிள்ளை அடுத்த சிங்காரகுப்பம் அருகே எதிரே வரும் வாகனங்கள் தெரியாத அளவிற்கு சாலையில் முள்செடிகள் ஆக்கிரமிப்பு அதிகரித்துள்ளதால் அந்த இடங்களில் அடிக்கடி விபத்துகள் நடந்து வருகிறது. சில நேரங்களில் பைக்கில் செல்லுபவர்கள் எதிர்பாராமல் சாலையோரத்தில் குளத்தில் கவிழ்ந்து விபத்துக்குள்ளாகிவிடுகிறது.
இரவு நேரங்களில் முள்செடியோரம் சமூக விரோதிகள் மறைந்து இருப்பர் என அந்த சாலை வழியாக பொதுமக்கள் நடந்து செல்ல அச்சமடைந்து வருகின்றனர்.
எனவே சாலையோரத்தில் உள்ள முள்செடிகளை அகற்ற நெடுஞ்சாலைத்துறை அதிகாரிகள் நடவடிக்கை எடுக்க வேண்டும்.
0 கருத்துகள்:
கருத்துரையிடுக