கானல் நீரான வாக்குறுதி தடை காலத்திலும் சீரமைக்கப்படாத கடலூர் துறைமுகம்

தடைக்காலத்தில் சிதைந்து சீர்கெட்டு கிடக்கும் துறைமுகம் சீரமைக்கப்பட்டு புதுப்பொலிவோடு மாற்றியமைக்கப்படும் என மாவட்ட நிர்வாகம், சம்பந்தப்பட்ட துறை அதிகாரிகள் அளித்த வாக்குறுதி கானல் நீரானது.
ஆழ்கடல் பகுதியில் மீன்கள் இனப்பெருக்கம் செய்யும் காலம் என்பதால் ஏப்ரல் 15ம் தேதி முதல் மே 29ம் தேதி வரை மீன்பிடிக்க 45 நாட்கள் தடை விதித்து அரசு உத்தரவிட்டது. கடலூர் மாவட்டத்தில் சுமார் 664 விசைப்படகுகள் ஆழ்கடல் மீன்பிடிப்பு பணிக்கு பயன்படுத்தப்படுகிறது. இது போன்று சுமார் 2 ஆயிரம் விசைப்படகுகள், பைபர் படகுகள் மீன்பிடிக்க பயன்பாட்டில் உள்ளது.
மாவட்டத்தில் 45 மீனவ கிராமங்களில் இருந்து சுமார் 25 ஆயிரம் மீனவர்கள் மீன்பிடி தொழிலில் ஈடுபட்டு வருகின்றனர். கடலூர் துறை
முகத்தில் மீன் வியாபாரம், கருவாடு ஆகியவற்றின் விற்பனை மற்றும் ஏற்றுமதி என துறைமுகம் ஆண்டிற்கு ரூ.100 கோடிக்கு மேல் அன்னிய செலவாணியை ஈட்டித் தருகிறது. நேரிடையாகவும் மறைமுகமாகவும் சுமார் 20 ஆயிரம் பேர் துறைமுகத்தின் மூலம் பயன்பெறுகின்றனர். மாவட்டத்தின் முக்கிய மற்றும் தமிழக அளவில் முதன்மையான சிறு துறைமுகங்களில் கடலூர் துறைமுகம் அடங்கும். துறைமுக பகுதியில் மீனவர்களுக்கு தேவையான அடிப்படை வசதிகள் சிதைந்து காணப்படுவதால் மீன்கள் படகில் இருந்து இறக்கி வாகனங்களில் வெளியூர்களுக்கு ஏற்றுமதி செய்யவும் மற்றும் உள்ளூர் விற்பனை செய்யும் மீனவர் கள் மற்றும் வியாபாரிகளுக்கு சிக்கலை ஏற்படுத்தி வருகிறது.
மீன் இறக்கும் தளம் சுமார் 5 ஆடி ஆழத்துக்கு மெகா சைஸ் பள்ளங்களுடன் காட்சி அளிப் பது விறுவிறுப்பான மீன் விற் பனை நேரங்களில் இட நெருக்கடியும், விபத்துக்களையும் ஏற்படுத்தி வருகிறது. இது போன்று மேற்கூரை இல்லாத ஷெட், இருள் சூழ்ந்த நிலையை தொடர்கதையாக்கும் எரியாத விளக்குகள் என அடிப்படை வசதியை அடியோடு தொலைத்து நிற்கிறது கடலூர் துறைமுகம்.
தடைக்காலத்தில் சீரமைப்பு பணி மேற்கொள்ளப்படும் என மீனவர்களின் தொடர் கோரிக்கையை நேரில் உள்ளூர் அமைச்சர், மீன்
வளத்துறை அதிகாரிகளுடன் ஆய்வு செய்த மாவட்ட நிர்வாகம் அறிவித்த நிலையில் காணாமல் நீரான கதையாக இதுவரை சீரமைப்பு பணியை துவங்கவில்லை. இதை தொடர்ந்து மீன்கள் வரத்து குறிப்பிட்ட அளவிற்கு இருந்து வரும் போதிலும் இட வசதியின்மையால் மீனவர்களுக்கு நெருக்கடியை ஏற்படுத்தியுள்ளது. மாவட்ட நிர்வாகத்தின் செயல்படுத்தப்படாத அறிவிப்பு ஏமாற்றத்தை அளித்துள்ளதாக கூறினர்.
கடலூர் மாவட்டத்தின் பிரதான தொழில்களில் ஒன்றாக உள்ள மீன்பிடி தொழிலுக்கு வழிகாட்டும் கடலூர் துறைமுகம் சிதைந்துள்ளது சிறப்பான ஆட்சியின் சான்று என மீனவர் அமைப்புகள் கருத்து தெரிவித்தன.