புதன், 23 மே, 2012

கடலூரில் கோடை விழா மாவட்ட ஆட்சியர் ராஜேந்திர ரத்னு தலைமையில் சைக்கிள் பேரணி


கடலூரில் நடைபெற உள்ள கோடை விழாக் கொண்டாட்டத்தை முன்னிட்டு மாவட்ட ஆட்சியர் ராஜேந்திர ரத்னு தலைமையில் சைக்கிள் பேரணி நடைபெற்றது.
கடலூர் மாவட்டம் தேவனாம்பட்டினத்தில் உள்ள வெள்ளி கடற்கரையில் வரும் 23 ம் தேதி முதல் 27 ம் தேதி வரை கோடை விழாக் கொண்டாட்டம் நடைபெற உள்ளது. இதற்காக பல துறையைச் சார்ந்த அரங்கங்கள் அமைக்கப்பட உள்ளன. அதே போல், மக்களின் பொழுது போக்குக்காக பல்வேறு மாநிலங்களில் இருந்து வரவழைக்கப்பட...்ட கலைஞர்களின் கலை நிகழ்ச்சியும் இடம்பெறும் என கடலூர் மாவட்ட ஆட்சியர் தெரிவித்துள்ளார். தானே புயலின் தாக்கத்தால் ஏற்பட்ட மன அழுத்தத்தைக் குறைக்கும் வகையில் நிறுத்தப்பட்டிருந்த இந்த கோடை விழா இந்தாண்டு நடத்தப்பட இருப்பதாக ஆட்சியர் ராஜேந்திர ரத்னு தெரிவித்தார். சைக்கிள் பேரணியின் போது, ஆட்சியர் ராஜேந்திர ரத்னு, துணை ஆட்சியர் கிரண் குராலா சைக்கிள ஓட்டிச் சென்றது அனைவரையும் கவர்ந்தது.

0 கருத்துகள்:

கருத்துரையிடுக