கடலூர் மாவட்டத்தில் இன்று இயல்பு வாழ்க்கையில் பெரிதும் பாதிப்பு ஏற்படவில்லை.
அரசு பஸ்கள், ஆட்டோக்கள் ஓடின. பெட்ரோல் விலை உயர்வை கண்டித்தும், அதனை வாபஸ் பெற
கோரியும், பாரதீய ஜனதா மற்றும் இடதுசாரி கட்சிகள் சார்பில் இன்று தேசிய அளவில்
“பந்த்”க்கு அழைப்பு விடுக்கப்பட்டிருந்தது. மாவட்டம் முழுவதும் பாதுகாப்பு பணியில் ஏராளமான போலீசார் ஈடுபடுத்தப்பட்டிருந்தனர்.
கடலூர், நெல்லிக்குப்பம், சிதம்பரம், பரங்கிப்பேட்டை,திட்டக்குடி, நெய்வேலி, பண்ருட்டி, விருத்தாசலம் உள்பட மாவட்டத்தின் அனைத்து பகுதிகளிலும் கடைகள், வணிக நிறுவனங்கள், மருந்து கடைகள் திறந்திருந்தன.
மார்க்கெட்டுகள், காய்கறி கடைகள் திறக்கப்பட்டு வழக்கம்போல் வியாபாரம் நடந்தது. டீக்கடைகளும் திறக்கப்பட்டிருந்தன. மொத்தத்தில் இயல்பு வாழ்க்கையில் பாதிப்பு இல்லை.
மாவட்டத்தில் பலத்த போலீஸ் பாதுகாப்பு ஏற்பாடு செய்யப்பட்டிருந்தது. வாகனங்களில் போலீசார் ரோந்து சுற்றி வந்தனர். ரெயில் நிலையம், பஸ் நிலையம் மற்றும் முக்கிய சந்திப்புகளில் பாதுகாப்புக்காக போலீசார் நிறுத்தப்பட்டிருந்தனர்.
0 கருத்துகள்:
கருத்துரையிடுக